.

KHOP LƠM XƠNĂM
MING PƠ’LƠNG TƠRING KHOP,
PĂNG KHUL ‘DE ERIH PLANG TƠ’NGLA KIƠ TƠDRONG ‘NAO ‘BƠR XÔ PHEO

Ơ Pêng ‘Nu Bă Yang ‘lơng keh
ji tu tơm tơdrong erih Bôl Dieng
duh ji tu ‘don băt păng ai pheo.
Apinh Ih ăn kơ ‘de kon Bă Yang lơm tơring khop nhôn
jing unh hnam pơyup minh păng băt dihbăl
wă nhôn ling tô chơgăm ‘lăn păng, duh tơmao gah ‘Bơr Ih,
wă kơ ‘don Ih păng tơdrong pơm kiơ ‘Bơr Xô Pheo gơh hram lơm tơdrong erih nhôn
duh chră pơrang kơ tôm bôl lơm dêh char.
Apinh Ih gum nhôn dăp ‘don tô chơgăm hoang tơgum lơm tơdrong kup jom Akâu Pham Jêxu păng plang xoi
wă nhôn gơh tơguơt klep kơjăp păng ‘Bok Kritô
păng xơng iok tu tơdrong erih dơng Yang Ai
duh wă kơ nhôn dăp hrok tơ-iung Dêh Ih:
Ji Dêh ‘don băt păng tơdrong tơpă, hơto ‘jue păng xơnêp.
Nhôn bơnê kơ Ih yor dôm bơngai erih pơtil ‘don lui
ưh kơ bu mah lơle xang ‘dei rang plei rơgeh ‘lơng hơ’băp
ji dôm ‘de mă erih plang tơ’ngla.
Apinh Ih ăn kơ kăn hăp bi pơdơh to ‘don ‘mơt ming dơh ‘don bơnôh ling erih xơn kơjăp lơm ‘Don Băt ‘jue hơ’băp
ji gơnơm kơ erih hlăng xơgaih, dơnuh hin păng lui ngua,
duh jing tơdra ang tơdah Dêh Plenh tơ anê kon bơngai tơ teh.
Gơnơm kơ ‘bơr Me Maria khop dơhơr
Yă mă xang oei tơ anê ‘de ‘Dam Tơm xơ,
duh ji trong ‘lơng hơ’băp tơgăl kơ ‘de kon Bă Yang pơm ‘boi,
apinh Ih ăn kơ tơdrong erih ‘de ‘bok xoi, ‘de ‘bok moăn, ‘de yă dieng ling chră pơrang tơdrong ‘lơng ro păng hơk chơt ‘Bơr Xô Pheo. Amen.

IMPRIMATUR
Kontum năr 10 khei 12 xơnăm 2014
(Đ ký)
+ Micae Hoàng Đức Oanh
Giám Mục Giáo Phận Kontum